Məxfilik siyasəti

1. Kimin məlumatları

• Hesab istifadəçiləri — xidmətə qeydiyyatdan keçən bizneslər və onların operatorları.
• Son müştərilər — həmin bizneslərə WhatsApp, Instagram və ya Messenger vasitəsilə yazan şəxslər. Bu məlumatlar üçün məlumat nəzarətçisi müvafiq bizneslərdir; MyCode emal edən qismində çıxış edir.

2. Topladığımız məlumatlar

• Hesab: ad, soyad, email, telefon, şirkət adı, sektor, dil, timezone, şifrə (hash şəklində).
• Kanal: Meta Business / WhatsApp Business Account identifikatorları, telefon nömrəsi, giriş tokenləri (şifrəli saxlanılır).
• Mesajlaşma: mesaj mətni, media faylları, göndərən identifikatoru (məs. WhatsApp nömrəsi), profil adı, vaxt möhürləri, çatdırılma statusları.
• Ödəniş: plan, invoice, ödəniş provayderinin əməliyyat nömrəsi. Kart məlumatları bizdə saxlanılmır — Epoint tərəfindən emal olunur.
• Texniki: IP ünvanı, brauzer, giriş və əməliyyat jurnalları (audit), xəta hesabatları.

3. İstifadə məqsədləri

• Mesajların qəbulu, göstərilməsi, operatorlara bölünməsi və cavabların göndərilməsi.
• AI cavablarının yaradılması — yalnız müvafiq biznesin öz bilik bazası və söhbət tarixçəsi əsasında; bir biznesin məlumatı digərinin AI kontekstinə daxil olmur.
• Hesab idarəetməsi, ödəniş, bildirişlər, dəstək.
• Təhlükəsizlik, sui-istifadənin qarşısı, qanuni öhdəliklər.

4. Üçüncü tərəflər

Məlumatlar yalnız xidmətin işləməsi üçün zəruri olan tərəflərə ötürülür: Meta Platforms (WhatsApp Business Platform, Instagram, Messenger API — mesajların ötürülməsi), Epoint (ödənişlər), hosting və obyekt saxlama provayderləri (Avropa İttifaqı data mərkəzləri), email göndərmə xidməti, xəta izləmə (Sentry). Məlumatlarınızı satmırıq və reklam məqsədilə paylaşmırıq.

5. Saxlama müddəti

• Mesaj tarixçəsi — seçilmiş planın saxlama müddəti qədər (90–730 gün), sonra silinir.
• Hesab məlumatları — hesab aktiv olduğu müddətdə; silinmə tələbindən 30 gün sonra bütün məlumatlar geri qaytarılmadan silinir.
• Audit və ödəniş qeydləri — qanunvericiliyin tələb etdiyi müddət qədər.

6. Hüquqlarınız

Məlumatlarınıza giriş, düzəliş, export (JSON + media) və silinmə hüququnuz var. Bunlar Parametrlər → Məlumatlar bölməsindən self-service şəkildə mümkündür; son müştərilər öz sorğularını müvafiq biznesə və ya bizə privacy@mycode.az ünvanına yönəldə bilər. Facebook/Meta istifadəçiləri üçün məlumat silinmə sorğusu statusu: dm.mycode.az/data-deletion.

7. Təhlükəsizlik

TLS şifrələmə, giriş tokenlərinin şifrəli saxlanması, verilənlər bazası səviyyəsində tenant izolyasiyası (Row Level Security), rol əsaslı giriş, audit jurnalı, fayl skanı, şifrəli gündəlik ehtiyat nüsxələr.

8. Cookie-lər

Yalnız zəruri cookie-lər: sessiya (giriş), dil seçimi. Reklam və izləmə cookie-ləri istifadə olunmur.

9. Dəyişikliklər və əlaqə

Siyasət yenilənərsə, bu səhifədə tarix dəyişir; əhəmiyyətli dəyişikliklər email ilə bildirilir. Suallar: MyCode MMC, Bakı, Azərbaycan — privacy@mycode.az.